4 маусым – мемлекеттік рәміздер күніне орай кент әкімі аппаратының ұйымдастыруымен «Кедергісіз келешек» жобасы аясында мүмкіндігі шектеулі жандар арасында дойбыдан жарыс өтті.
Іс шара салауатты өмір салтын қалыптастыруды мақсат етті. Ақыл мен білімді, төзімді ұштастыра отырып ойнайтын ойын түрінен жеті адам бақ сынады. Қызықты да тартысты өткен жарыс нәтижесінде Беркін Алипов көшбасшы атанып, жүлделі I орынды иеленді. Ал ІІ орынды Максим Исмагулов, ІІІ орынды Замзагүл Аманбаева өзара бөлісті.
Шара соңында барлық жарысқа қатысушыларға естелік сыйлықтар мен алғыс хат табыс етілді.
Б.Асхатқызы
