Мәдениет және спорт

Атырау облысы әкімінің орынбасары Дарын Шамұратов өңірде спорт пен туризм саласының дамуына үлес қосып жүрген бірқатар азаматты марапаттады. Олардың арасында кәсіби спортшылар мен туризм саласында қызмет ететін мамандар бар, деп хабарлайды Өңірлік коммуникациялар қызметі.

Нақтырақ айтқанда, «Мүгедектер спорт клубының» параүстел теннисі бойынша жаттықтырушысы Гүлнар Иманалиева ҚР Президенті Қасым-Жомарт Тоқаевтың Жарлығымен «Құрмет» орденімен марапатталды. 12 параспортшыға ҚР Премьер-министрі Олжас Бектеновтың Алғыс хаты табысталды. Сонымен қатар туризм мен салауатты өмір салтын насихаттап, салалардың дамуына үлес қосып жүрген азаматтар және бір топ спортшы Атырау облысы әкімі Серік Шәпкеновтің Алғыс хатына ие болды.

"Жыл қорытындысы аясында жеткен жетістігімізді елеп, құрмет білдіріп жатқаны үшін өз алғысымды білдіремін. Биыл біздің команда Париж паралимпидасына қатысып, үздік бестік қорытындылады. Келер жылы да үлкен жетістіктерге жетіп, өңір намысын республикалық, халықаралық жарыстарда қорғауға тырысамыз", - деді параволейболдан Атырау облысы командасының капитаны Бауыржан Сартаев.

Айта кетейік, биыл атыраулық спортшылар түрлі деңгейдегі жарыстарға қатысып, 1500 медаль жеңіп алды. Паралимпиада ойындарынан - 4, Азия чемпионатынан – 24, Қазақстан чемпионатынан – 485 және Дүниежүзілік көшпенділер ойындарынан 3 жүлдені қанжығалады.

Астана қаласында Қазақстан Республикасы Туризм және спорт министрлігі ұйымдастырған 2024 жылдың қорытындысы бойынша «Үздік 2024” спорт премиясы өтті. 

Фариза Оңғарсынованың туғанына – 85 жыл

Қазақтың дара қызы, поэзия падишасы атанған Фариза Оңғарсынова апамыз сырттай қарағанда сұсты, ауыр мінезді, қатал секілді көрінгенімен, шындығында, ол адам жанын жүрегімен түсінетін, өзі ұнатқан адамына сый-құрметпен қарайтын, жаны нәзік, тек оны сыртына көп білдіре бермейтін өр мінезді адам болатын. Ол – көркемсөз майданында ақын мен жазушыға тән ерлік, батылдық, адалдық, ұлтжандылық, намысқойлық және адамгершілік секілді қасиеттердің биігінен көрінген ақын.

Қазақстанның еңбек сіңірген спорт шебері Әбиба Әбужақынова дзюдошылардың әлемдік рейтингінің топ-10-на кіріп, 48 келіге дейінгі санатта екінші орынды иеленді. Оның жетістіктері бүкіл елдегі спортшыларды шабыттандырады, деп хабарлайды Аtyrau Рress тілшісі.