Жастар – қай заманда, қай елде болсын, асқақ арман мен үміт, биік ар мен өр намыстың символы. Еліміздегі жас буын өкілдері мемлекеттің жаңа келбетін қалыптастырады. Олардың жаңа белестерге деген ұмтылысы жаңа идеялардың туындауына себепші болады. Ал жаңа идея қазақ елінің жаңаруына, «Мәңгілік ел» болуына сілтейді.

Осыдан бірер апта бұрын аудандық «Үміт-АРТ» волонтер тобы мың айдан да қайырлы саналатын Рамазан айында «441» қайырымдылық акциясын ұйымдастырған болатын.

Атыраудағы химия-биология бағытындағы Назарбаев Зияткерлік мектебінің бір топ түлектері аз қамтылған отбасыларға көмек көрсетті. Құлсарылық Әлішер Бектілеу мен Ернар Көбегеновтар аудан орталығында тұратын көп балалы отбасына азық түлік таратты.

Отан қорғаушылар күні қарсаңында аудандық Жастар ресурстық орталығы жанынан құралған "Көзайым" қыздар клубы ер-азаматтарды мерекемен құттықтады.