Аудан

 Тәуелсіздік – еліміз үшін қастерлі құндылық, мемлекетіміздің еңсесін тіктеген биік мәртебе.

Сондықтан оны сақтау – әрбір азаматтың қасиетті парызы, ата-бабадан аманат болып жеткен ұлы мұра. Бұл ұстанымдар жаңадан қабылданғалы отырған Ата Заңымызда да айқын, көрініс табуда.

Конституцияда мемлекетміздің тұтастығын сақтау, егемендік пен тәуелсіздікті қорғау, азаматтардың құқықтары мен бостандықтарын қамтамасыз ету, заң мен тәртіптің үстемдігін нығайту - басты міндеттердің бірі ретінде нақтыланған.

Бұл – ел дамуының берік іргетасы қаланып, құқықтық мемлекеттің орнығуына бағытталған маңызды қадам.

Ұлт болашағы – бүгінгі буынның қолында. Ендеше, аманатқа адал болып, қасиетті Тәуелсіздігімізді мәңгілік ету – баршамыздың басты борышымыз.

М.Әнесұлы,

аудандық ардагерлер кеңесінің төрағасы

Конституцияға енгізілген соңғы өзгерістерді мен уақыт талабынан туған батыл шешім. 

Бұл жаңартулар қоғамдағы ашықтық пен жауапкершілікті күшейтіп, мемлекеттік басқару жүйесін заманауи талаптарға бейімдей түсті. 

Әсіресе, азаматтардың құқықтарын қорғау мен әділдік қағидатын нығайтуға басымдық берілуі көңіл қуантады.

Мұндай қадамдар елдің саяси мәдениетін көтеріп, болашаққа деген сенімді арттырады деп ойлаймын.

А.Сейдолла,

Мақат кенті тұрғыны

 Жуырдағы Конституциялық жаңартуларды мен ел дамуының жаңа кезеңіне бастайтын маңызды қадам деп қабылдаймын.

Бұл өзгерістер билік тармақтарының тепе-теңдігін нығайтып, халықтың шешім қабылдау үдерісіне қатысу мүмкіндігін кеңейтті. Әсіресе, адам құқықтарын қорғау тетіктерінің күшеюі – әділетті қоғам құруға бағытталған нақты іс деп ойлаймын.

Жаңартулар мемлекет пен азамат арасындағы сенімді арттырып, «Әділетті Қазақстан» қағидатын жүзеге асыруға жол ашады.

Б.Қайыржан,

Мақат кенті тұрғыны

 Заң мен тәртіп – кез келген мемлекеттің берік іргетасы. Егер қоғамда заң үстемдік құрып, әр адам тәртіпке бағынса, елде тұрақтылық пен сенім орнайды.

Заңды құрметтеу – тек құқық қорғау органдарының емес, әр азаматтың міндеті.

Өз басым заң талаптарын сақтау арқылы ғана әділ әрі қауіпсіз қоғам құра аламыз деп есептеймін. Тәртіп бар жерде – береке, жауапкершілік бар жерде – даму болады.

Ж.Сəбитов,

Мақат кенті тұрғыны