Атырау облысы әдістемелік орталығының ұйымдастыруымен білім беру ұйымдары басшылары арасында «Director’s CUP» облыстық кезеңі өтті.
Аталмыш дебат турнирінің басты мақсаты – білім беру ұйымдары жетекшілерінің кәсіби біліктілігін арттыру, көшбасшылық қабілетін дамыту, сондай-ақ өзекті мәселелерге қатысты ой-пікірін еркін әрі дәлелді жеткізе білу дағдысын қалыптастыру болды.
Облыстық кезеңге Х.Санбаев атындағы орта мектептің директоры Ақжанар Телегенқызы мен С.Шарипов атындағы мектеп-интернатының директоры Асылболат Амангелдіұлы қатысып, жоғары кәсіби деңгейін, басқарушылық шеберлігін және шешендік қабілетін көрсетті. Нәтижесінде олар үздік нәтиже көрсетіп, жүлделі І орынды иеленді.
Америкалық парламенттік форматта өткен пікірсайыс барысында қатысушылар өз ұстанымдарын нақты дәлелдермен қорғап, білім саласындағы өзекті мәселелерді жан-жақты талқылады.
Турнир білім басшыларына тәжірибе алмасуға, заманауи көзқарастарды ортаға салуға және кәсіби тұрғыда шыңдалуға мүмкіндік берді.
Ж.ҚАМЗА
