Баланы заманына қарай икемдеп, өз заманының озық өнегесін санасына сіңіре білу, шығармашылық бағытта жан-жақты дамыту -бүгінгі күннің басты міндеті.

Республикалық көлемді қамтып, еліміздегі білім белестерін бағындырған басшылар, мұғалімдер мен оқушыларды жаһанға паш ететін «EDUCATION» баспа үйі көпке танымал. Ол зияткер, озық ойлы, жан-жақты өзін дамытып өсіп келе жатқан жас дарабоздардың келбетін жіпке тізгендей тізбектеп, жеткен жеңіс жолдарын көпшілікке жеткізу мақсатында «XXI ғасыр көшбасшысы» жинағын дәстүрлі жарыққа шығарып келеді.

Бұл жинақта қатарының алды болған озық ойлы озат жастарымыз іріктеліп салынған. Олардың бүгінде жеткен жетістіктері мен алдына қойған мақсат-мұраттары өзгелерге үлгі болмақ.Осындай балалардың қатарындағы Әлинұр Қуаныш аталған жинаққа енген.   Ол ынтымағы мен бірлігі жарасқан отбасының аялаған перзенті, жарқыраған шамшырағы. Зерек, әдепті балдырған мектепке дейінгі білім мен тәрбие беретін №54 балабақшасында тәрбиеленді.

Достарымен тіл табыса білетін, оқуға қабілеті ерекше, өмірге құштар, үй тапсырмасын тыңғылықты орындайтын, Әлинұр №2 аудандық балалар кітапханасының «Тәуелсіздік-білімнің алтын тұғыры» атты ертеңгілігіне белсене қатысқаны үшін Алғыс хатпен марапатталған.

Алтын ұя мектебінде жұлдыздай жарқырап, мектеп бағдарламасына негізделген барлық сабақты оңай игеріп, жан-жақты қабілетті екендігін көрсетеріне сенім мол. Табанды еңбек пен ізденушілік қабілетін дамыта отырып, жүлделі орындардан көрініп келеді.

Ұлы Қазақ елінің басқа мемлекеттермен терезесі тең болып, өркендеп өсуі үшін өз үлесін қосуды армандайтын ұлан Әлинұр Аманжолұлы келешекте көшбасшы болуды мақсат етеді.

Ол кішкене жүрегінде халық үшін қолдан келгеннің бәрін жасайтын Президент болып, елінің мақтанышына айналуды мұрат етеді.

Жақсы ой жақсы іске жетелейді.Тек қана алға, дарынды жас!

А.МАСАТҚЫЗЫ

Атырау облысы «Күнделік» электрондық журналы бойынша оқу жылының қорытындысымен үздік үштікке еніп, «Күміс» батырма иеленді,- деп хабарлайды Атырау облысы өңірлік коммуникациялар қызметі.

Бұл туралы облыстық тамыз мәслихатында облыстық білім беру басқармасының басшысы Сатқан Есенғалиев хабарлады.

«Күнделік» электрондық журналы бойынша білім беру ұйымдарымен тығыз байланыста жұмыс жасап, оқу жылы ішінде жақсы нәтиже көрсетті. 2020 жылғы қыркүйектің 20-25-і аралығындағы республикалық рейтингтің алғашқы нәтижесінде қызыл белдеуде 15-орында тұрған Атырау облысы оқу жылының қорытындысымен үздік үштікке еніп, «Күміс» батырма иеленді. Ал, Bilim Land білім ресурсын қолдану жөнінен республика бойынша Атырау облысы ІІІ орын иеленді»- деді спикер.

Жоғары оқу орындарына құжаттарды қабылдау мерзімі 28 тамызға дейін ұзартылды. Мұндай шешімді ҚР БҒМ Жоғары және жоғары оқу орнынан кейінгі білім департаменті қабылдады.

- Талапкерлеріміз үшін бұл жақсы жаңалық деп санаймын. Бұл ретте құжат қабылдау мерзімдерін ұзарту бойынша келіп түскен өтініштер саны ескерілді. Білім беру гранттарының иегерлеріне де, ақылы негізде оқуды жоспарлап отырғандарға да мүмкіндік берілді, - деп атап өтті Білім және ғылым вице-министрі Қуаныш Ерғалиев.

Естеріңізге сала кетейік, бұған дейін ЖОО-ға қабылдау үшін құжаттарды 25 тамызға дейін тапсыру қажет болатын.

Айта кетейік, білім гранты иегерлерінің өтінімдері eGov.kz. электрондық үкімет порталы арқылы қабылданып жатыр.

Ақылы негізде оқу үшін жоғары оқу орындарының виртуалдық қабылдау комиссияларына жүгіну қажет. Олардың тізімі ҚР БҒМ Ұлттық тестілеу орталығының сайтында орналастырылған.

«Жаңа оқу жылында атыраулық 150 түлек облыс әкімінің гранты бойынша тегін білім алады» деп хабарлайды Атырау облыстық білім беру басқармасының баспасөз қызметі.