Қайырымдылық концерті өтті

(0 Votes)
Фото: аудандық мәдениет үйінің фб парақшасынан алынды

Қайырымдылық – халқымыздың қанына сіңген игі қасиет. Оны жоғалтып алмау, ұрпақтан-ұрпаққа жеткізу – біздің басты борышымыз. Бүгінде ауданымызда «біреу – біреуге сүйеу» деген ұстанымды ұстанып, қайырлы істің ұршығын иірген жастарымыз жетерлік. Және олар нағыз адамгершіліктің үлгісін көрсетіп, көпке үлгі болып жүр.

Аудандық мәдениет үйінде жерлесіміз Дияс Мұхтарұлының еміне қолдау көрсету мақсатында «Диаспен біргеміз» атты қайырымдылық концерті өтті. Концертте аудан өнерпаздарымен қатар, ауданымыздан түлеп ұшқан және Атырау қаласынан келген өнерпаздар да өнер көрсетті. Атап айтқанда «Шаттық» үлгілі би ансамблі, халықтық ұлт-аспаптар оркестрінің мүшелері: С.Айдарғалиева, Е.Мұсаев, Е.Бекболат, М.Қазбеков, А.Хабиболлаева, дәстүрлі әнші Ж.Базарбаев және ауданымыздың эстрада әншілері Р.Әлиева, Б.Арыстанов, Г.Ищанғалиева, Б.Қылыш, А.Шоқанқызы, С.Маңғыстау өнер көрсетіп, жиылған көрерменнің көңілінен шыға білді. Одан бөлек, кеш қонақтары Мерей және Мейіржан Қабдоловтар мен Қуаныш Кеңес әуезді ән айтып, халықтың ыстық ықыласына бөленді.

318570795_1388637661878065_6886348742084320647_n

318086940_1388647045210460_3648053268105616268_n

318140405_1388643238544174_8491371719079280738_n

Ал сахнада аймақтық, облыстық ақындар айтысының жүлдегері Нұрбек Сарбасов пен халықаралық, республикалық, аймақтық, облыстық ақындар айтысының жүлдегері Анварбек Садықов сынды ақындарымыз ұлттық өнерімізді жандандырып, тартысты өнер көрсете білді.

318483175_1388644465210718_3318180937388286740_n

Шара соңында аудандық мәдениет үйінің басшысы Кенжебике Төлебаева қорытынды сөз сөйлеп, концертте өнер көрсеткен барша өнерпаздарға және қолдау білдірген көрермендерге өз алғысын жеткізді. Сондай-ақ кеш қонақтары М.Қабдолов, М.Қабдолов, Қ.Кеңес және Б.Қылышқа өз атынан арнайы алғыс хат табыстады.

318331775_1388639868544511_4040719746521814519_n

317847639_1388632548545243_5323241820286470324_n

Айта кетейік, аталған шарадан түскен қаражат жерлесіміз Диас Мұхтарұлының еміне аударылды.  Каспи голд: 8 702 463 71 75 Балыш О

 

Ә.ҚАСЫМ

Мақат тынысы

Сайлау

ybory-2023-price

Соңғы жаңалықтар

ЖАҚСЫ КІТАП - ЖАН АЗЫҒЫ

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және
коммуникациялар министрлігінде тіркелгені жөнінде
2018 жылдың 16 мамырында №17098-Г куәлігі берілген.

Атырау обл, Мақат кенті, С.Мұқашев к-сі, 36.
makat70@mail.ru 
8 (712)39 3 07 66

 

 

Яндекс.Метрика