Астана қаласында өткен ауыл олимпиадасының республикалық кезеңінде жаратылыстану-математикалық бағыты бойынша Атырау облысының оқушылары командалық есепте жүлделі ІІ орынды жеңіп алды.
Облыстық құраманың қатарында үздік нәтиже көрсеткен Мұса Баймұханов атындағы орта мектептің 11-сынып оқушысы Бейбіт Зере химия пәнінен жүлделі үшінші орынды иеленді.
“Республикалық олимпиадаға қатысу маған үлкен тәжірибе сыйлады және өз білімімді жаңа деңгейде сынауға мүмкіндік берді. Алған нәтижем – ұстаздарымның еңбегінің және үздіксіз дайындықтың жемісі деп білемін”, - дейді Зере Бейбіт.
Бұл жетістік – ауданымыздағы білім сапасының жоғары екенін және оқушылардың ғылымға деген қызығушылығының артып келе жатқандығының дәлелі.
МТ
