Елбасы Н.Назарбаевтың сындарлы саясатының маңызды бір тармағы – ұлттық құндылықтарға баса мән беру, мәңгілік ел болу жолындағы ғасырлар бойы қалыптасқан мәдени мұраларды көздің қарашығындай сақтау, келешек ұрпаққа аманаттау.
Бүгін аудан әкімі Ш.Кейкин жергілікті жас айтыскер ақын Нұрбек Сарбасовты қабылдады.
Жаңа жыл қарсаңында ақынға арнайы тапсырыспен жасалған, он саусағынан өнер тамған шебердің қолынан шыққан домбыраны тарту етті. Қазақ айтыс өнерінің дамуына атсалысып, дарынды жас ақындардың ақындық пен орындаушылық шеберлігінің шыңдала түсіп, аудан мерейін көтеріп, көпшілікке танылуына жол ашуына септігін тигізсін деген ыстық тілегін білдірді.
Аудан әкімдігінің қолдауымен сыйға тартылған домбыраны қолға алған ақын разы көңілмен арнау арнады.
«МТ»
