Жанашыр жандардың жақсы амалдары күн өткен сайын көбірек көрініс берсе кім-кімді де қуантпай қоймайды. «Қайырымды істер марафоны» жалпыұлттық жобасы аясында өздеріне жолдаған эстафетаны аяқсыз қалдырмаған Мақат аудандық мәдениет, тілдерді дамыту дене шынықтыру және спорт бөлімі екі отбасының ортасынан табылды.
Олар аталмыш жанұяларға бір жолғы азық-түлігін алып беріп, жылы лебіздерін білдірді. "Біз елмен бір екенімізді, бар екенімізді сезіндіріп, игі істерден еш аянып қалмаймыз. Тек арнайы жобалардың аясында ғана емес, мұқтаж жандарға көмек қолын созу кез келген жанның азаматтық борышы деп білемін",-дейді бөлім басшысы Ж.Сарбасов.
Эстафета Доссор мәдениет үйінің ұжымына жолданып, ізгі істердің керуені әрі қарай жол тапты.
А.САДЫКОВ
