Аудандық мәдениет, тілдерді дамыту, дене шынықтыру және спорт бөлімінің ұйымдастыруымен аналар мерекесіне арналған волейболдан әйелдер арасында аудандық жарыс өтті.
Мақат балалар мен жасөспірімдер спорт мектебінде және Доссор дене шынықтыру-сауықтыру кешендерінде ұйымдастырылған жарысқа Мақат кенті бойынша 6 (М.Баймұханов атындағы о/м, Х.Санбаев атындағы о/м, Нұрбөбек б/б, Л.Шахатов атындағы о/м, аудандық кітапхана, аудандық орталық аурухана) команда, Доссор кенті бойынша 4 команда (Абай атындағы о/м, Б.Қанатбаев о/м, Мұнай және газ технологиялық колледжі, Доссор БЖСМ) 2 команда бақ сынады.
Жарысқа барлығы 100 талапкер қатысып, жоғарғы деңгейде өтуіне атсалысты. Жартылай финалда әркез жеңімпаз болып жүрген Л.Шахатов атындағы орта мектебі М.Баймұханов атындағы орта мектебінің командасына есе жіберді. Ал 2-ші жартылай финалда Х.Санбаев атындағы орта мектебі командасы «Нұрбөбек» балабақшасынан басым түсті. Ақтық мәреде Х.Санбаев атындағы орта мектебі командасы қарсыласынан басым түсті.
Жарыс нәтижесінде Мақат кенті бойынша І–ші орынды Х.Санбаев атындағы орта мектебіне, ІІ–ші орын М.Баймұханов атындағы орта мектебіне, ІІІ–ші орын Л.Шахатов атындағы орта мектебіне лайықталды. Доссор кенті бойынша I-ші орын – Б.Қанатбвев атындағы орта мектебіне, II-ші орын – Доссор БЖСМ-не, III-ші орын – Мақат мұнай және газ технологиялық колледжі командасына берілді.
Барлық жеңімпаздар ұйымдастырушылар атынан кубок, медаль, дипломдармен марапатталды.
ӨЗ ТІЛШІМІЗ
