Аудандық мәдениет, тілдерді дамыту, дене шынықтыру және спорт бөлімінің ұйымдастыруымен Мақат балалар мен жасөспірімдер спорт мектебінде оқушылар арасында кіші аяқ добынан жарыс өткізілді.
Жарысқа «Барыс», «Қыран», «Жастар», «Достар» атты 4 команда қатысып, бақ сынады. Тартысқа толы ойында «Батыс» командасы жеңімпаз атанды. Жүлделі 2-ші орынды «Достар» командасы еншіледі. Үшінші жүлдені «Қыран» командасы иеленді. Жарыстың «Үздік қақпашы» номинациясын Рауан Мангиров, «Үздік Қорғаушы» номинациясын Бахтияр Елубайұлы, «Үздік шабуылшы» номинациясын Жанмұрат Саматұлы иеленіп, мерейі үстем болды.
ӨЗ ТІЛШІМІЗ
