Атырау қаласында 2005 жылы туған және одан төменгі жасөспірімдер арасында ауыр атлетикадан ашық біріншілік өтті.
Додаға Орал, Атырау облыстары және Мақат ауданынан атлеттер қатысып, Қазақстан Республикасының чемпионатына іріктеу жасалды. Ауданымыздан 8 атлетші қатысып, аудан намысын қорғап қайтты. Жарыс нәтижесінде, 29 кг салмақ дәрежесінде Ерасыл Қосмұрза мен 37 кг салмақ бойынша Самғат Болатұлы 1-орынды иеленіп, облыс чемпионы атанды. Ал, 29 кг. салмақ дәрежесі бойынша Асылбек Жолдасқали мен 41 кг.салмақта Назархан Толыбай, 61 кг. салмақ дәрежесіндегі Данияр Ескендіров 2 -орынды иеленді. Ал, жарыстың 3-орынын 49 кг. салмақ дәрежесіндегі Ерасыл Мұрат пен +73 кг. салмақта Расул Сұлтангерейұлы қанжығалап қайтты. Аудандық зілтеміршілерді Әмір Қосмұрзиев жаттықтырып келеді.
А.ТАУМҰРЫНОВА.
