«Локомотив» VI футбол лигасының кубогын иеленді

(0 Votes)

Қыркүйек айының 26-сы мен қараша айының 1-і аралығында футболсүйер қауымның  тамашалауымен Мақат футбол лигасының VI-шы ашық біріншілігі өтті.

Байрақты бәсекеге 8 команда қатысты. Биылғы доданың ерекшелігі, спорт мектебінің 12-14 жас аралығындағы футболшылардың ағаларымен бірге сынға түсуінде болды.

ala-dop-3

Чемпионат қорытындысы бойынша «Локомотив» командасы 3-ші орынды еншілесе, күміс жүлде «Доссор» командасына бұйырды. Ал қарсылас шақ келтірмеген «Азамат» командасының жігіттері 1-ші орынды қанжығасына байлады.

«Үздік жас ойыншы» атағын Сауран Сағытжанов иеленсе, «Үздік қақпашы» номинациясына  Ғалымжан Нарыбаев лайық болып танылды.

ala-dop-2

«Үздік шабуылшының»  арнайы жүлдесі Абат Беріковке табысталып, барлық футболшылар арасынан «Үздік ойыншы» қатарында Ақылбек Каримов дараланды. Сонымен қатар қарсыластар қақпасында ең көп доп тулатқан Сұлтан Сәрсенов  «Үздік сұрмерген» атанды.

ala-dop-4

Біріншілікпен қатар ойнатылған Мақат кубогының финалында «Бахтияр» және «Локомотив» командалары арасындағы кездесу  1:1 есебімен тең аяқталып, пенальтидің нәтижесімен «Локомотив» командасы Мақат футбол лигасы VI-шы ашық біріншілігінің Кубогын иемденді. Дәстүрлі дода алдағы жылдары да өз жалғасын таба бермек.

А.ЕСЖАН

 

ФОТОГАЛЕРЕЯ

Соңғы жаңалықтар

Біріңғай мемлекеттік байланыс

AqPrint

Байланыс номерi :     +7 702 132 03 32      +77122458521