Білім күні мерекесінің әрбір адам өмірінде алар орны ерекше. Әсіресе, мектеп табалдырығын алғаш аттап, қолына "Әліппе" алатын балғындар үшін бұл сәт ұмытылмастай жүректерінде мәңгі сақталары анық.
Күздің алғашқы күнімен бірге жететін жаңа оқу жылының басталғанын алғашқы қоңырау үні хабарлайды. Сол айтқандай, аудан мектептерінің бәрінде алғашқы қоңырау салтанаты өтті.
Биыл ауданға қарасты 9 мектептен 6160 оқушы білім алғалы отыр. Оның ішінде, жалпы орта білім беретін алты қазақ мектептерінде - 3437, орыс мектебінде - 550, екі аралас мектепте барлығы 2173 оқушы бар. Ал, 679 оқушы биыл 1 сыныпқа қабылданып отыр.