Математика оқушыларға қиындық туғызатын бірден-бір пән екені белгілі. Алайда өмір ағыны, ғылым мен техника саласының бойлап енуі математиканы білуді бұрынғыдан да қажет етіп отыр.

Осы тұста математика пәніне бетбұратын жастар қатарын көбейту үшін А.Құнанбаев атындағы орта мектебінде «Дарабоз» зияткерлік клубы ашылды. Аталмыш клуб оқушылары арасында математикаға ерекше қабілетті дарынды балаларды анықтап, білімін тереңдету арқылы қолдау көрсетуді мақсат етеді.

Клуб бекітілген 40 минуттық уақытпен шектелмей математика және информатика пәндерін тереңдетіп оқыту үшін жұмыстанады.

Бұл, оқушылардың дарынын ұштап, сандық технологиялар бағытындағы білімін арттыруға жол ашпақ. Мұнда 4 және 7 сынып оқушылары арасынан 25 бала іріктеліп алынған.

Математика пәнінің мұғалімі Сидеғалиева Жадыра және информатика пәнінің мұғалімі Рахметоллаева Салтанат оқушылардың бос уақытын пайдаланып, сабақтан тыс қосымша дәрістер жүргізетін болады.                                                                                                                                                        

Толығырақ газетіміздің №3 санынан оқи аласыз!

М.ІЗТҰРҒАНОВА

Суреттер автордікі