Аудандық жастар ресурстық орталығында «Дін мен дәстүр» атты облыстық интеллектуалдық сайыс өтті.
Аталған шараға Атырау облысына қарасты әртүрлі аудандардан 9 команда қатысып, діни білім, тарих, руханият және логикалық ойлау бойынша сынға түсті.
Сайыс имамдардың білімін шыңдап қана қоймай, бірлікті нығайтуға және жастармен тығыз байланыс орнатуға бағытталды.
Тартысты сайыс нәтижесінде III орынды Қызықоға мешіті, II орынды Атырау қалалық мешіті, I орынды Мақат мешіті иеленді.
Жеңімпаздар арнайы марапаттармен және қаржылай сыйлықтармен марапатталды.
Ж.Қамза
Сурет автордікі
