Аудандық мәдениет үйінде аудан өнерпаздарының қатысуымен “Мақатым мақтанышым” атты концерт болып өтті.
Аталмыш шара Мақат ауданына 100 жыл толуына орай және жергілікті сазгерлердің әндерін болашақ ұрпаққа насихаттау болып табылады.
Кеш барысында аудан өнерпаздары әуелете ән шырқап, “Мақатым мақтанышым” атауымен жарық көрген үнтаспаның тұсауы кесілді.
Сонымен қатар, кеш соңында аудан әкімі Азамат Мәмбетов ауданымыздың мәдениеті мен өнерін дамытуға қосқан зор үлестері үшін аудандық мәдениет үйінің қызметкерлеріне өз алғысын білдіріп, арнайы алғыс хат табыс етті.
Ә.ҚАСЫМ
