Бүгінгі таңда елімізде бұқаралық спортты дамытуға айрықша көңіл бөлініп келеді. Осы орайда аудан спортшылары да әртүрлі деңгейдегі жарыстарда бой көрсетіп, мұнайлы мекеннің абыройын асқақтатып жүр.
24-25 қараша күндері Құлсары қаласында Жылыой ауданы спортының негізін қалаушы Диас Сүлейменовті еске алуға арналған 2007-2009 жылы туған ұлдар арасында волейболдан облыстық ашық турнир өтті. Ашық турнирге Атырау қаласынан, Махамбет, Мақат және Жылыой аудандарынан барлығы 5 команда қатысқан болатын.
Жарыс барысында ала допты алақанда ойнатқан Доссор балалар жасөспірімдер спорт мектебінің командасы жүлделі үшінші орынға ие болып, жақсы ойын көрсете білді. Сондай-ақ, волейбол жаттықтырушысы Олжас Мадалиевтің жаттықтыруымен үздік үштікке енген команданың ойыншысы Арсен Темірбай «Үздік үйлестіруші» атағына ие болды.
Айта кетейік, аталған жарыста Атырау қаласы командасы I орын, Жылыой аудан командасы II орынды еншілеген болатын.
Ә.ҚАСЫМ
