Мақаттағы М.Баймұханов атындағы орта мектебінде «Мен offline» акциясы негізінде тоғызқұмалақтан жарыс өтті. Оған 5-8-сыныптар арасындағы ұлттық ойынға қызығушылық танытып жүрген жасөспірімдер қатысып, бақ сынады.
-Тоғызқұмалаққа балалардың қызығушылығы жоғары. Бос уақытында ойлау әрі математикалық есепке бейімдеуге ыңғайлы ойын түріне қашан да қатысушылар табылады. Бұл жолы да балалар белсенді қатысты,- дейді дене тәрбиесі пәні мұғалімі Торғын Булатова.
Әр сыныпқа жас ерекшелігіне сай өткізілген жарысты 5-сыныптықтар арасынан 1-орынға Нұрхан Бақыткерей, 6-сыныптықтардан Асхат Оңғар, 8-сыныптықтардың ішінен 1-орынға Ринат Таубаев ие болды.
Жеңімпаздар бірлестік атынан марапатталды.
ӨЗ ТІЛШІМІЗ
