Өткен аптада Құрманғазы ауданы Байда ауылында Кеңес әскерлерінің Ауған елінен шығарылғанына 30 жыл толуына орай бокстан 2006-2007 және 2008-2009 жылы туылған жасөспірімдер арасындағы ашық облыстық турнир өтті.
Турнирге Атырау облысының аудандарынан және Маңғыстау облысынан 200-ге жуық спортшы қатысты. Ауданнан жарысқа 9 бала қатысып, нәтижесінде 2008-2009 жылы туылған 28 кг.салмақ дәрежесі бойынша Нұрмұхаммед Алдаберген 3-орын, 46 кг. салмақ дәрежесі бойынша Исламбек Еркінғали 3-орын иеленді. Ал, 2006-2007 жылы туылған 48 кг.салмақ дәрежесі бойынша Ерболат Алдоңғар 1-орын иеленіп, аудан намысын қорғап қайтты. Ол жарыста "Ең жас боксшы" номинациясымен марапатталды.
Жеңімпаздарды дайындаған жаттықтырушылар Нұрсейіт Аюпов пен Парасат Құлмұханов, Амангелді Қобдабаевтың еңбектері зор.
А.МАСАТҚЫЗЫ.
