Жастар ресурстық орталығы Доссор денешынықтыру және сауықтыру кешенінде жастар арасында баскетбол ойынын ұйымдастырды.
Тартысқа толы ойында 8 құрама команда өзара бақ сынасты. Олар: Доссор балалар-жасөспірімдер спорт мектебі, Б.Қанатбаев атындағы орта мектебі, С.Шарипов атындағы мектеп-интернаты, А.Құнанбаев, М.Баймұханов, Л.Шахатов атындағы орта мектептері, аудандық Орталық аурухана қызметкерлерінен құралған командалар.
Б.Қанатбаев атындағы орта мектебінің дене шынықтыру пәні мұғалімі Аманжол Құлсариев бас төрешілік етті. Қызыққа әрі тартысқа толы ойында суырылып алға шыққан төрт команда финалдық ойынды қыздыра түсті.
Үшінші орын үшін кездесу Л.Шахатов атындағы орта мектебі мен Х.Санбаев атындағы орта мектебінің қызметкерлері арасында өтіп, нәтижесінде 6:0 есебімен, Л.Шахатов атындағы орта мектебі ІІІ орынға ие болды. Ал, бірінші орын үшін болған ойынға Доссор балалар-жасөспірімдер спорт мектебі мен Б.Қанатбаев атындағы орта мектебінің жастары кездесіп, қорытындысында 3:2 есебімен Доссор балалар-жасөспірімдер спорт мектебінің баскетболшылары ІІ орынға табан тіреді. Бар шеберліктерін таныта білген Б.Қанатбаев атындағы орта мектебінің қызметкерлері жарыс жеңімпазы атанды.
Сондай-ақ, ойында дараланған бірнеше жас арнайы номинациялармен марапатталды. Олар: «Үздік ойыншы» Мейрамгүл Жұмағалиева (М.Баймұханов орта мектебі), «Үздік шабуылшы» Ғалымжан Нарынбаев (Х.Санбаев орта мектебі), «Үздік қорғаушы» Мақсат Камалов (аудандық Орталық аурухана), «Жеңіске деген жігері үшін» (Х.Санбаев орта мектебі) жастары ие болды.
М.СЕРІКҚЫЗЫ.
