Доссор мәдениет үйінде «Ембімұнайгаз» АҚ және Мақат ауданы әкімдігінің қолдауымен Мақат кен орнының 110 жылдығына орай өтетін муайтайдан кәсіби жекпе-жек кешіне арналған арнайы конференция өтті.
Конференция барысында муайтай спортының аймақтағы дамуы, спортшылардың дайындық деңгейі және алдағы кештің маңыздылығы кеңінен сөз болды.
Атап айтқанда, кештің басты жекпе-жегінде жерлесіміз Әбіл мен Қырғызстандық спортшы Абдоллоның кездесуі туралы тың ақпараттар ұсынылды.
Жиынға спорт саласының мамандары, жаттықтырушылар, БАҚ өкілдері мен белсенді жастар қатысты.
Мұндай бастамалар – ауданда бұқаралық спортты дамытуға, салауатты өмір салтын насихаттауға және жастарды спортқа тартуға зор ықпал ететіні анық.
Айта кетейік, муайтайдан кәсіби жекпе-жек кеші алғаш рет ұйымдастырылып отыр.
Аталған кеш 30 тамыз күні сағат 19:00-де Мақат кентіндегі Орталық стадионда өтетін болады.
МТ
