«Мектепке жол» акциясы ауданымызда белсенді өтуде. Жақында бұл іске аудандық полиция бөлімінің жеке құрамы да айрықша атсалысып, өзіндік үлестерін қосты.

Бөлім қызметкерлері акция кезінде аз қамтылған және профилактикалық есепте тұрған отбасы балаларына қуаныш сыйлады. 12 оқушыны мектепке қажетті сөмкелермен, оқу-құралдарымен және киім-кешектермен толықтай қамтамасыз етті. Балаларға арналған көмек ата-аналарының қатысуымен табысталды, ата-аналар мен балалар ризашылықтарын білдіріп, алғыстарын айтты.

«Қайырымдылық жасасаң, қайырын өзің көресің» дейді аудандық полиция бөлімі. Естеріңізге сала кетейік, білім беру ұйымдарында әлеуметтік көмекке мұқтаж балаларға жәрдемдесу қыркүйек айының 30-на дейін жалғасын табады.

М.Ізтұрғанова