Балалардың жазғы демалысын тиімді пайдалану және спортқа деген қызығушылығын арттыру мақсатында Доссор балалар және жасөспірімдер спорт мектебінің ұйымдастыруымен «Sport fest» сайысы өтті.
Дода балғындар бокс, муай-тай, дзюдо, еркін күрес, каратэден бақ сынады.
Оған аталмыш мектепте тәрбиеленетін жас спортшылар қатысты. Жетекші бапкерлер қатысушы шәкірттеріне сәттілік тілеп, жылы лебіздерін білдірді.
Тартысқа толы бәсекеде жасөспірімдердің спортқа деген сүйіспеншілігі, жеңіске деген құштарлығы ерекше болды.
Бокстан Айболат Ерасыл І орын, Сиых Ақжолтай ІІ орын, Берікұлы Бақдәулет ІІІ орынға ие болды. Муай-тайдан Киссолин Дархан І орын, Маратұлы Арсен ІІ орын, Елубай Арсен ІІІ орынмен марапатталды.
Каратэден Саясатова Ақтілек І орын, Дінішбай Байболат ІІ орын, Саясатова Данагүл ІІІ орыннан көрінді. Еркін күрестен Асылбек Батыржан І орын, Ақылбекұлы Ырысбек ІІ орын, Сайын Саят ІІІ орынға табан тіреді. Дзюдо қорытындысы бойынша Ізтілеу Еркебұлан І орын, Қозыбағар Мейіржан ІІ орын, Сарсен Ернұр ІІІ орын иеленді.
Сондай-ақ, Айболат Ерасыл, Маратұлы Арсен, Омаров Ерқанат, Сиых Ақжолтай, Рахметжан Дамир «Үздік спортшы» номинациясымен марапатталды.
М.ІЗТҰРҒАНОВА,
суреттер автордікі
