Өткен аптада Қызылорда қаласында Қармақшы ауданының құрметті азаматы, қоғам қайраткері Болатбек Сүлейменовті еске алуға арналған дзюдодан жастар арасындағы Халықаралық турнир өтті.

Он тоғызыншы рет дәстүрлі түрде өткен турнирге еліміздің барлық өңірлерінен және Өзбекстан мен Қырғызстан мемлекеттерінен 2000-2001 жылдары туылған жас балуандар қатысты. Дүбірлі додада жерлесіміз 90 келі салмақта жасөспірімдер арасындағы әлем чемпионатының жүлдегері Шынтас Серікболсын қарсылас шақ келтірмей, чемпион атанды. Ал, осы салмақта Әділет Сапарғалиев қола жүлдеге ие болды.

М.ІЗТҰРҒАНОВА