Әзірбайжан астанасы Баку қаласында 12-13 қазан күндері «Іnternational education cup. Cadets & Juniors»  халықаралық турнирі өтті.

Жастар арасында өткен жарысқа 18-20 жас аралығында 12 мемлекеттің жастары қатысты. Дүбірлі додада доссорлық жас дзюдошылар Дінмұханбет Шаменов және Ұлықбек Әбілхайыр бақ сынады.

Ұлықбек Әбілхайыр алғашқы айналымда әзірбайжандық спортшыға есе жіберіп, жарыс жолынан шығып қалды. Ал, Дінмұханбет Шаменов татами төрінде жеті кездесу өткізіп, біреуінен жеңіліс тапты. Осылайша  66 келі салмақ бойынша халықаралық турнирдің қола жүлдегері атанды.

М.ІЗТҰРҒАНОВА