Тоғыз жолдың торабында орналасқан мақаттықтар үшін  темір жол саласы зор маңызға ие. Аталмыш салада сан жылдар тер төккен алдыңғы буын ардагерлеріміздің қадірі қашан да жоғары. Ел көлемінде аталып өткен қарттар күнінде теміржолшы қарияларымыз да елеусіз қалмады.

Мақат локомотив пайдалану депосының ардагерлер кеңесінің төрағасы, депо бастығы және кәсіподақ комитетінің төрағасы депода көп жылдар қызмет еткен бір топ зейнеткерлерді айтулы мерекемен құттықтады.

Ізбасар інілеріне жөн сілтеп отыратын ақсақалдарымызға құттықтап келушілер  құр алақан келмей, құттықтау хат пен естелік сыйлықтар табыс етті.

Зейнетін көрген шағында әріптесінен  еленіп жатқан қариялар да көңілі бір сергіп қалды.  Сонымен қатар мереке қарсаңында 60, 70, 80 жасқа шығып жатқан  бір топ зейнеткер аға-апаларымызды  мерейтойларымен құттықтады.

Өз тілшіміз