«Болашақ» бөбекжай балабақшасында «Тәрбиеші - мейірімді жүрек иесі» тақырыбымен тәрбиешілер арасында сайыс өтті.
Тәрбиешілердің шығармашылық қабілеттерін арттырып, педагогикалық жағдайларды шешу мақсатында ұйымдастырылған шара қызықты өтті. Шығармашылыққа құрылған кеш мерекелік көңіл-күй сыйлады. «Менің портфолиом - педагогикалық бейнем», ертегіні сахналау тәрізді бөлімдерде ізденісті еңбек тәжірибесімен бөліскен мамандар теориялық білімдерімен сынға түсті. Өнерлерін ортаға салды.
Нәтижесінде, «Ең үздік тәрбиеші» дипломын ортаңғы «Күншуақ» тобының аға тәрбиешісі Жайнагүл Саркулова, І кіші «Балапан» тобының аға тәрбиешісі Ботагөз Жакиева иеленді. Қалған топ тәрбиешілері әр түрлі номинация бойынша марапатталды.
Ж.Макишева,
балабақша әдіскері.