Жылқының өлімі мен 3 адамның зардап шегуіне алып келген оқиға түнгі сағат 02:17 шамасында болған.
«Ақтөбе-Астрахан тас жолының 491 шақырымында, яғни Мақат пен Доссор кенттерінің ортасында сағат 02:17 шамасында Toyota Camry және Toyota Alphard автокөліктері жылқы малын қағып, жол апаты орын алды», - деп хабарлайды Атырау облысының Полиция департаментінің баспасөз қызметі.
Жол көлік оқиғасы салдарынан Toyota Alphard автокөлігінің 3 жолаушысы Мақат кенті ауруханасына қаралып, жеңіл дәрежедегі жарақаттарымен үйіне жіберілген. Қазіргі уақытта қос көлік те оқиға орнынан қозғала алмай тұр.
А. Жұмабекұлы
