Жуырда Алматы қаласында Қазақстан Республикасының оқу-ағарту министрлігі «Дарын» республикалық ғылыми практикалық орталығының ұйымдастыруымен «Үздік авторлық бағдарлама» атты байқаудың республикалық кезеңі өтті.
Өз кәсіби шеберлігін арттыру мақсатында ұйымдастырылған додаға, педагогикалық өтілі 5 жылдан кем емес ұстаздар қатысты.
Бұл сайыста ауданымыздың атынан «Психологиялық қызмет бағыты» бойынша жобасын ұсынып, Бәйгетөбе мектеп-бөбекжай кешені педагог-психологы Сәуле Оразғалиева бақ сынады.
Нәтижесінде Бәйгетөбе мектеп-бөбекжай кешені педагог-психологы Сәуле Оразғалиева жүлделі III орынды еншілеп, аудан абыройын асқақтатты.
Еске сала кетейік, бұған дейінде ол «Үздік авторлық бағдарлама» байқауының облыстық кезеңінде жүлделі I орынмен марапатталып республикалық кезеңіне жолдама алған болатын.
С.Бекарыс
