28 наурыз күні аудан прокуратурасының ұйымдастыруымен аудандық мемлекеттік кірістер басқармасы және кәсіпкерлер палатасының аудандық филиалымен бірлесе отырып, жергілікті кәсіпкерлермен кездесу өтті.

Кездесу барысында Қазақстан Республикасының «Салық және бюджетке төленетін міндетті төлемдер туралы» кодексіне енгізілген өзгерістер туралы талқыланды.

Кәсіпкерлер тарапынан қойылған сұрақтарға аудан прокуратурасының өкілі Торыбек Аруов, кәсіпкерлер палатасының аудандық филиалының директоры Гүлназ Едгеева жауап беріп, аталмыш жаңалықтың жай–жапсарын түсіндірді. Сондай–ақ, аудандық мемлекеттік кірістер басқармасының мамандары А.Ізімбергенова мен М.Ірғалиева нақты қандай өзгерістер орын алғанына жеке–жеке тоқталып, заңдылықтар мен өзгерістер бойынша айтып берді.

Жалпы алғанда, Салық кодексіндегі өзгерістер еліміздегі көлеңкелі бизнесті жариялы түрде жүргізуге, бейресми еңбек қатынасын болдырмауға, нақты кірістерді жасырын түрде жүргізудің алдын алуға бағытталған.

М.Серікқызы