Ибраһим пайғамбардан жалғасып келе жатқан сүннет-құрбан шалу асыл дінімізде шамасы жеткендерге парыз болып бекітілген.
Әлді мен әлсіздің әлеуметтік деңгейін теңестіруге, адамдар арасында мейірімділікті нығайтуға негізделген ұлық амалдың алғашқы легі ауданымызда күн көкжиегіне көтеріле бастағаннан ақ көрініс бере бастады.
Мәселен, Мақат кентінде ауыл азаматтары, қолы ашық кәсіпкерлер және Рауан қайырымдылық қорының атаған малдары құрбандыққа белгіленген жерінде шалына бастады. Әзірге бес ірі қараның үшеуі сойылып үлгерілді.
Шалынған құрбанның еті шариғат шеңберімен тиісті мұқтаж отбасыларға үлестірілетін болады.
Сонымен қатар аталмыш қордың алпыс қорап азық-түлігі де бар екен. Шалынған құрбандығымызды қабыл еткей!
Өз тілшіміз