Ақтөбе қаласында «DOSSTAR» продюсерлік орталығының ұйымдастыруымен V Республикалық «Жас дарын» би фестивалі өтті.
Еліміздегі білім-беру орындарының арасындағы коммуникативтік қатынастарды нығайту, жас таланттардың бойындағы өнердің көзін ашу мақсатында өткен байқауға Р.Ғабдиев атындағы өнер мектебінің бишілері қатысып, жүлдегер атанды.
8-10 жас ерекшелігі бойынша қатысқан «Ай-Ханша» би тобы бас жүлдені қанжығасына байласа, ал 11-13 жас ерекшелігі бойынша қатысқан «Гауһартас» би тобы І дәрежелі лауреат атанды.
Жас бишілерді дайындаған жетекші Нұргүл Еркінқызы да марапаттан құр қалмай, арнайы алғыс хатқа ие болды.
Ғ.ҒИНАЯТОВА,
Р.Ғабдиев атындағы өнер мектебі директорының тәрбие ісі орынбасары