Жақында Жылыой ауданында үстел теннисі спортшыларының арасында облыстық ашық турнир болып өтті.

Шара үстел теннисі спортын дамыту, спорттың бұқаралығын арттыру және үстел теннисін аудан көлемінде дамытып, спортшылардың қарым-қатынасын нығайтуды мақсат етті.

Аталған жарысқа Доссор балалар жасөспірімдер спорт мектебінен 9 спортшы қатысып қайтқан болатын. Нәтижесінде, Ералы Орынбасарұлы жүлделі II орынды қанжығасына байлап, аудан мерейін асқақтатып қайтты.

Одан бөлек, Саида Ахметова мен Арайлым Есенжанқызы III орынды еншілеп, қоржынды қола медальмен толықтырды. Осы тұста жаттықтырушылары Сандуғаш Даулетова мен Тыныштық Бегімованың еңбектерін айта кеткеніміз жөн.

Ә.ҚАСЫМ