Мақат ауданы биыл айтулы оқиғалардың ордасына айналады. Доңыз жылындағы мұнайлы өлкеде болған маңызды оқиғалар легін ұсынып отырмыз.
Биыл Мақат-Доссор кенттерін қатынайтын қоғамдық көлік қатынасқа шықты. Жолаушылар үшін қоғамдық көліктің жолақы құны - 200 теңгеге бағаланып, тұрғындар үшін қолжетімді баға қойылды.
Мақат жұрты кинотеатрға оралып, алтын қорда сақталған Менің атым Қожа», «Атаманның ақыры», «Қыз Жібек», «Ботагөз», «Абай әні», т.б. қазақ киноларын әр аптаның жұма, сенбі күндері мәдениет үйлеріндегі лед экраннан тамашалауға мүмкіндік жасалды.
Доссор кентінде 100 орындық жаңа балабақша пайдалануға берілді. Бөбекжай балабақшасында жүзу бассейні, музыка, спорт залы талапқа сай орнатылған.
Ауданда «Жас проджект» жобасы жүзеге асып, 28 жоба үздіктер қатаранан көрінді.
«Ембімұнайгаз» АҚ-ы басқармасының мұнайшылары көпбалалы екі отбасыға баспана сыйлады.
Ауданға биыл 855 түп айланд талы егіліп «Суару жүйесінің автоматты таймері» құрылғысы іске қосылды.
«Харекет» қоры Доссорлық көпбалалы отбасыға пәтер сыйлады.
ҚР Денсаулық сақтау министірі Елжан Біртанов жұмыс сапарымен ауданымызда болып, ақ халатты абзал жандармен кездесті.
Қыркүйек айының 17-сі күні аудан әкімі болып Шәкір Кейкин тағайындалды.
Бұдан бұрын ауданды басқарып келген Жұмабай Қарағаев облыс әкімінің орынбасары қызметіне тағайындалды.
Еламан Саясатов Тайланд елінде өткен кәсіпқойлар арасында өткен чемпионатта чемпион атанды.
Республикалық бюджеттен көпбалалы отбасыларды қолдау үшін ауданға 157 млн теңге қаржы қарастырылып, бөлінген қаражатқа жергілікті билік 22 көпбалалы отбасыға баспана бақытын сыйлады.
Биыл ауданның 95 жылдығы ауқымды көлемде аталып өтті.
Мақаттық ару Л.Шахатов орта мектебінің түлегі Айзада Хабибуллаева «Мисс Астана-2019» байқауының жеңімпазы атанды.
Біріккен Араб Әмірлігінің Абу-Даби шаһарында өткен муайтайдан Азия чемпионатында Әбіл Галиев чемпион атанды.
"МТ"
Фото: "Мақат тынысы" архивінен