Осындай атаумен Атыраудағы NIS-тің биология пәні мұғалімі Луиза Сандыбаева 50-ге жуық әріптесіне тәжірибе таратты.
Басты мақсат - мектеп миссиясына орай тез өзгермелі заман талабына сай дарынды оқушылардың зияткерлік әлеуетін дамыту үшін ұстаздардың біліктілігін арттырып, оқушыға барынша қолайлы орта қалыптастыруға тырысу.
Белсенді ұстаз білім беру туризмімен Жапонияның Токио қаласында осы тақырыпты әбден зерттеп-зерделеп, астарына үңіліп келген болатын. Әсіресе, Жапония мектептеріндегі сабақты зерттеудің ерекшеліктері, зерттеу мәдениетін қалыптастыру, сабақтан кейінгі талдау турасындағы орамды ойлар тренинг қатысушыларына тың бағдар бергені сөзсіз.
