Осы жылдың 03-09 желтоқсан аралығында республика аумағында ІІД-нің Жергілікті полиция қызметі мүдделі қызметтестермен бірлесе отырып, «Автобус» жедел алдын алу іс-шарасын өткізуде.
Іс-шараның мақсаты – қоғамдық көлік құралдарының қатысуымен орын алатын жол-көлік оқиғаларының алдын алу және жол қозғалысы ережелерінің талаптарын бұзуға жол бермеу, жолаушылар мен багажды тасымалдауда белгіленген ережелерді сақтауды қамтамасыз етіп, бағыттарда заңсыз жолаушы тасымалдау жайттарының жолын кесу. Іс-шараға жол-патрульдік полиция қызметкерлері және басқа да салалық құрылымдар жұмылдырылуда.
Жергілікті полиция қызметі мен Әкімшілік полиция басқармасының жеке құрамы күшейтілген режимде қызмет атқаруда. Мұндай іс-шаралар жол-көлік апаттарының санын төмендетуге, қоғамдық көлік жүргізушілерімен орын алатын жол ережесін бұзушылық жайттарын болдырмауға септігін тигізеді.
Р.ИСЕМҒАЛИЕВ,
ЖППБ-нің аға қызмет инспекторы полиция лейтенанты.
