Ауданда дәстүрлі «Мектепке жол» акциясы жалғасуда. Науқан аясында «Қолы ашықтың – жолы ашық» деген нақылды жадында ұстаған аудандық полиция бөлімінің қызметкерлері акцияға белсенділік танытып, 5 оқушыға демеушілік танытты.
3 қыркүйек күні бөлімнің кәмелетке толмағандар істері жөніндегі инспекторлары аз қамтылған отбасылардың үйлеріне барып, балаларды базарлықпен қуантты.
Доссор кентіндегі 4 және Мақат кентіндегі 1 отбасының балаларына оқуға қажетті құрал-жабдықтарды үлестіріп берді. Мәрт азаматтардың жан жылуын сезінгенін ата-аналар полиция қызметкерлеріне өз алғыстарын жаудырды.
Өз тілшіміз
