Жылыойлық Гүлхан Шыңғысхан – Қазақстан Республикасының күміс жүлдегері, деп хабарлайды AtyrauPress тілшісі.
11-16 ақпан күндері аралығында Тараз қаласында дзюдодан 2005-2007 жылы туған ұл-қыздар арасында жастар арасындағы Қазақстан Республикасының чемпионаты өткен боалтын. Аудандық әкімдіктен білгеніміздей, еліміздің 17 облысынан 600-ге жуық спортшы қатысқан додада №1 Жылыой аудандық балалар-жасөспірімдер спорт мектебінің спортшысы Гүлхан Шыңғысхан 52 келі салмақ дәрежесінде бақ сынап, жүлделі ІІ орынды иеленді. Жеңімпаз спортшының бапкері – дзюдо және самбо күресінен Қазақстан Республикасының спорт шебері, №1 Жылыой балалар-жасөспірімдер спорт мектебінің біліктілігі жоғары деңгейдегі жаттықтырушысы Жаңылсын Абайқызы Көптілеуова. Аталған чемпионат қорытындысы бойынша 2025 жылы халықаралық ареналарда ел намысын қорғайтын Қазақстан жастар құрамасы жасақталады.
Амандық САҒЫНТАЙҰЛЫ
