Аудан әкімі Шәкір Кейкінұлы Ақтөбе қаласында өткен V республикалық паралимпиада ойындарында 1 күміс және 2 қола медаль жеңіп алып, Қазақстан Республикасының құрамасы сапына енген Нұргүл Мақсотова мен Түркия елінде  муай-тайдан жасөспірімдер арасында өткен әлем чемпионатында чемпион атанған Рамазан Қайратұлын қабылдады.

Кездесу барысында аудан басшысы спортшыларды мерейлі жеңісімен құттықтады. Мұнайлы өлкенің талантты спортшыларымен мақтанатынын жеткізіп, алдағы белестеріне сәттілік тіледі.

Сондай-ақ, бағалы естелік сыйлықтар табыстап, сый-сияпатқа бөледі. Өздеріне көрсетілген құрметке риза болысқан спортшылар аудан басшысына алғысын білдірді.

М.ІЗТҰРҒАНОВА

Cуреттер автордікі