Жергілікті көрерменнің көзайымына айналған өнер ұжымдарының бірі – Мақат аудандық мәдениет үйі жанындағы “Халықтық” ұлт-аспаптар оркестрі.
Аталмыш ұжым бүгінде ауданымыздың атын асқақтатып, қазақтың мәдениетін, көркем өнерін, теңдесі жоқ дала сазы мен ерекше аспаптарын танытып келеді.
Осы ретте аудан әкімінің қолдауымен даңқты жерлесіміз, күй қағаны Қазақстанның Халық әртісі Рыспай Ғабдиев Хисметұлы еңбек еткен Мақат аудандық мәдениет үйі жанындағы “Халықтық” ұлт аспаптар оркестріне атақты өнерпаздың есімі берілді.
Айта кетейік, Мақат аудандық Халықтық ұлт-аспаптар оркестрінің негізін 1966 жылы Рысбай Ғабдиев қалаған болатын.
Сол жылдардан бері шығармашылық ұжым бүгінде өз жұмысын тоқтатқан емес.
Ендеше, алдағы уақытта да оркестр ұжымына толағай табыстар тілейміз!
Ә.ҚАСЫМ
