Мектебімізде «Заң және тәртіп» қағидаты аясында Облыстық Махамбет атындағы академиялық қазақ драма театрының қолдауымен «СІЗ КІМСІЗ?» атты метафизикалық драмасы оқушылар назарына ұсынылды.
«СІЗ КІМСІЗ?» — қазіргі қоғамда жиі кездесетін әлеуметтік түйткілдер, отбасы ішіндегі күрделі қарым-қатынастар мен адамгершілік таңдауларды терең философиялық тұрғыда бейнелейтін қойылым.
Қойылымның басты мақсаты — жас ұрпақ арасында есірткіге қарсы иммунитет қалыптастыру, зиянды әдеттердің адам өмірі мен тағдырына тигізер ауыр салдарын көрсету.
Қойылым жасөспірімдерге өз әрекетіне жауапкершілікпен қараудың, заң талаптарын сақтаудың маңызын ұғындырды.
Өнер тілімен жеткізілген бұл тағылымды ой әрбір оқушының санасында терең із қалдырды.
