Аудандық балалар және жасөспірімдер спорт мектебінде сайдың тасындай іріктелген сайыпқырандар сап түзеді.
Бұл жолғы кіші аяқ добынан өтіп жатқан турнир Мақат ауданының "Құрметті азаматы", Қазақстан жазушылар Одағының мүшесі, мәслихат депутаты Қажымұхан Құмарұлы Елемесовті еске алуға арналды.
Осымен он бірінші рет өткізіліп жатқан дүбірлі доданың ашылу салтанатына ақынның жары мен қызы және аудан әкімшілігінен басшылар қатынасты.
Ойыншыларға сәттілік тілеп сөз алған аудан әкімінің орынбасары Н.Ерғалиев осындай жарыстардың ауданымызда жиі өтетініне тоқталып өтіп, ойын алдында жарыс жолындағыларға жігер сыйлайтындай рухты әндер әуеледі.
Бұл жолғы кіші аяқ доп додасына Атырау, Құлсары қалаларынан сондай-ақ көршілес Қызылқоға ауданынан келген командалар жергілікті Мақат пен Доссор командаларымен қоса күш сынаспақ.
Екі күнге созылатын ойындардың кестесін назарларыңызға ұсынамыз, қызыққа толы тартысты бәсекелерден қалыс қалмаңыздар.
А.САДЫКОВ
суреттер автордікі
