Құрбан айт мерекесіне орай, аудандық орталық мешіт ауласында қазақтың ұлттық ойындары ойнатылды. Соның ішінде қазақша күрес, кір тасын көтеру, арқан тартыс, қол күресі секілді ойындар тартысты өтті.
Сайыста өзінің күштілігін көрсете білген азаматтарға естелік сыйлықтар табысталды.
Сонымен қатар, барша мұсылман асыға күтетін айт мейрамында балаларда құр алақан қалмады. Оларға үрмелі ойын алаңы құрылып, онда асыр салып ойнаған балалар ерекше қуанышқа бөленді.
Осындай игі бастамаға мұрындық болған мешіт ұжымына жиналған көпшілік алғыстарын білдіріп, ізгі тілектерін жолдады.
Айта кетейік, айтулы мерекеге орай 500 балаға “Құрбан айт құтты болсын!” деген қорапша және 1000 балмұздақ таратылды.
Ә.Қасым
