«Спорт - нашақорлыққа қарсы». Осындай ұранмен аудан мекемелері мен мектеп оқушылары арасында аудандық жарыс өтті.
Жарысты аудандық мәдениет, тілдерді дамыту, дене шынықтыру және спорт бөлімі ұйымдастырды. 5 командада 20 адамды қамтыған жарыста ерлер арасында «А» тобында ардагер Мизам Жолимановтың мерейі үтем болып, бірінші орынға ие болса, екінші-үшінші орынды Көбейсін Саюпов пен Талас Байгуршимов өзара бөлісті. «Б» тобында ардагерлер кеңесінің төрағасы Сәбит Халенов жүлделі бірінші орын алса, ардагерлер Адайхан Елубаев екінші, Қабылхан Омаров үшінші орын иеленді.
Әйелдер арасынан халыққа қызмет көрсету орталығының басшысы Эльмира Утебаева бірінші орынға ие болды. Ал, орталықтың қызметкерлері Айсұлу Қалиева екінші, Рита Баукышева үшінші орын алды.
Ә.Теңдібай,
әдіскер
