Осындай тақырыпта М.Баймұханов атындағы орта мектебінде дене шынықтыру пәні мұғалімдерінің ұйымдастыруымен «Отан отбасынан басталады» жобасы аясында отбасылық спорттық сайыс өтті.
Сайыс оқушыларға адам денсаулығының қымбаттылығын, бағалы байлық екенін түсіндіріп, отбасы мүшелерінің денсаулығын, белсенділігін нығайтуды мақсат етті. Сайыс ерекше әрі қызықты өтті. Қатысушылардың ойынға деген қызығушылығы өте жоғары болды. «Бауырлар», «Жалын», «Шағырай», «Сұңқар» топтары топтық жұмыстар мен спорттық ойындарды белсенділікпен орындады.
Қорытындысында І орынды "Бауырлар" тобы иеленсе, ІІ орынмен "Сұңқар" тобы марапатталды. Ал, ІІІ орынды ''Шағырай" және "Жалын" топтары бөлісті.
Ғалия Құбылова,
дене шынықтыру пәні мұғалімі
