Бүгін ауданымызда облыстық «Ақ-Ниет» қоғамдық бірлестігінің ұйымдастыруымен алғаш рет мүмкіндігі шектеулі жандарға арналған «Жылы жүрек, жомарт қол» атты арнайы қайырымдылық дастарханы жайылды.
Облыстық «Ақ-Ниет» қоғамдық бірлестігі 2021 жылы құрылып, сол уақыттан бері игі істерін жүзеге асырып келеді.
Бірлестіктің Мақат ауданындағы филиалының ашылғанына 3 ай толуына орай, іс-шараға облыстық бірлестіктің басшысы Асхат Карин арнайылап келді.
Ол мүмкіндігі шектеулі азаматтармен жүздесіп, әрдайым оларға қолдау білдіруге дайын екенін жеткізді.
Сондай-ақ, шара барасында қолдау көрсеткен жеке кәсіпкерлер алғыс хатпен марапатталып, мүмкіндігі шектеулі жандарға арнайы сыйлықтар тарту етілді.
Ұйымдастырушылардың сөзінше, мұндай игі шаралар алдағы уақытта да жалғасын табатын болады.
С.Бекарыс
