Атырау қаласында 29-30 сәуір күндері жеңіл атлетикадан ересектер арасында тірек-қозғалыс аппраты және көру мүшесі зақымдалған мүмкіндігі шектеулі спортшылар арасында облыстық чемпионат өткізілді.
Бұл жарыста жерлестеріміз толағай табыстарға жетіп, 7 алтын, 5 күміс медальді жеңіп алды.
Жарыс барысында ерекше нәтижелер көрсеткен спортшыларымыздың ішінде Айсұлу Хасанова 45 класс бойынша, найза лақтыру, ядро итеруден және диск лақтырудан да I орынды иеленсе, Орынбасар Байсұлтанов 13 класс категориясында найза лақтырудан I орын, диск лақтыру мен 100 метрге жүгірден II орынды жеңіп алды.
Сонымен қатар, Амангелді Қуанышев 13 класс бойынша найза лақтырудан II орынды, ядро итеру мен диск лактырудан I орынға ие болса, Бақытжан Құлсариев 54 класс категориясында диск лақтырудан I орын, найза лақтыру мен ядро лақтырудан II орынды иеленді.
Бұл жеңістер біздің спортшыларымыздың жоғары дайындығы мен еңбекқорлығын көрсетеді.
Облыстық чемпионаттан оралған спортшыларымыз алдағы уақытта өтетін республикалық чемпионатта бақ сынайтын болады.
Ә.ҚАСЫМ
