Мақат ауданында 19-21 тамыз аралығында «Түнгі қаладағы балалар» жедел профилактикалық іс-шарасы өтеді.
Іс-шара барысында мүдделі мемлекеттік органдардың өкілдерімен және бұқаралық ақпарат құралдарымен бірлесе отырып, кәмелетке толмағандардың шоғырлану орындарын тексеріп анықтау үшін рейдтік іс-шаралар өткізіліп, кәмелетке толмағандардың бейтаныс адамдармен мінез-құлық және демалыс орындарындағы қауіпсіздік ережелері туралы түсіндірме жұмыстар жүргізіледі.
Аталмыш іс-шараның мақсаты, кәмелетке толмағандармен және оларға қарсы жасалатын қылмыс пен құқық бұзушылықты анықтау және алдын алу. Сондай-ақ, құқықтық сауаттылығын арттыру бағытындағы жедел профилактикалық іс-шарасын өткізу.
Жедел профилактикалық іс-шарасында полиция бөлімінің жеке құрамының барлық қызметкерлері жұмылдырылып, аудан көлеміндегі жұмылдырылған күштер белгілі бір бағытта бөлініп, құқық бұзушылықтар мен қылмыстарды болдырмау үшін олардың алдын алу мақсатында, жоспарлар, шаралар, рейдтер ұйымдастырылады.
Қ.Ізімов Мақат
АПБ ЖПҚб ЮПТ КТІЖ инспекторы полиция
аға лейтенанты
